Fadjar A. Hidayat :
SUMILIRE ANGIN DEMOKRASI
kabeh surak-surak!!
kabeh lunjak-lunjak!!
jare angin demokrasi wus sumilir
ajak-ajak kang turu supaya nglilir
banjur padha baris mlaku turut dalan
ngumbar swara nuntut iki nuntut ika
nyacat lan ngundhamana
ning geneya?
mulihe padha ngathungake tangan
nampani amplopan
saka paraga nyengkuni
kang wasis mancala putra mancala putri
kabeh surak-surak!!
kabeh lunjak-lunjak!!
jare wus marem
bisa nut sumilire angin demokrasi
Trenggalek, 3wida 8/06
( Jemparing, No: 02, September 2011 )