Fadjar A. Hidayat:
kleyang-kleyang abure jemparing
kang daklepas ngarah dhadhane
pepeteng wengi iki
kareben wudhar sakeh cahya pepadhang
kaya rina
kang suwe kinunjara ing
kancing gelunge sang bathara kala
mentala nguntal srengenge kita
nyipta grahana
ewadene tansah ora titis
kepara jemparingku kleyang-kleyang
balik ngenani pulung atiku
kang ngliga
nuduhake kringet kasetyanku
marang sisa-sisaning wektu
kang isih bisa dakenggo sedheku
Jember, Juli '03
( Jaya Baya, No.01,Minggu 1/September 2003)