Fadjar @ Hidayat :
ING STASIUN
ing stasiun iki
raaga-raga lungkrah sumendhe
nyoba nggambarake endahe dina wingi
gegojegan ing stasiun kana kene
ngrakit sewu crita
ing cahyane candhikala stasiun iki
mujudake stasiun pungkasan kang
kena kanggo leren
ngaso saka anggone bebadra
nglacak dununge sang kholik
mula ing stasiun iki
raga-raga lungkrah sumendhe
saemper gerbong-gerbong tuwa
kang wis buyuten tumumpang rel
tanpa kriyet-kriyet sesambat
setya ngancani stasiun iki
kang uga saya tuwa
njaluk anyaring crita
Jember, Pebruari ‘03