Fadjar A.HIdayat:
Nyawang banyu kali
kang butheg dikebaki sewu panandhang
kringete buruh-buruh pabrik
eluhe lonthe-lonthe dalanan
uyuhe para bajingan
isih ana esem kang bisa disungging
nalika laler rame-rame orasi
lan nyamuk-nyamuk demontrasi
"Kabeh mau ora bakal ngowahi uripku"
lirih tembunge kere setengah tuwa
sinambi sendhen pathok kubure
isih karo mesem kebak werdi
Kaliwining, Pungkasan Pebruari ' 01
(Panjebar Semangat,No.50 : 4 Desember 2002 )